Sunday 15 November 2009

කාකාසලාට පරිගණක

රජයේ කාර්යාලවල තිබෙනා තවත් තනතුරකි, කාකාස හෙවත් කාර්යාල කාර්ය සහයක. කාර්යාලය විවෘත කිරීම හා වසා දැමීම එනම් යතුරු රාජකාරිවල සිට පිරිසිදු කිරීම්, නිලධාරීන්ට බීමට වතුර සැපයීම, මේසයේ දූවිලි පිස දැමීම, අඩි හතරක පහක දුරකට පවා ලිපිගොනු චලනය කිරීම, ලිපි විවෘත කිරීම, විදුලි පහන් දැල්වීම හා නිවා දැමීම, විදුලි පංකා ක්‍රියාත්මක කිරීම ක්‍රියා විරහිත කිරීම, වායුසමනය යනුත්‍රය ක්‍රියා කිරීම හා ක්‍රියා විරහිත කිරීම, ආදී රාජකාරි රාශියක් මෙම ‘නිලධාරියා‘ විසින් සිදුකරනු ලබයි.

එහෙත් අද සෑම රාජ්‍ය කාර්යාලයකම තිබෙන්නා වූ පරිගණකය ඔවුන්ගෙන් ඈත් කොට ඇති සෙයකි! පරිගණකය ක්‍රියාත්මක කිරීම, අක්‍රිය කිරීම (turn Off)ආදී ප්‍රාථමික ක්‍රියාකාරකම්වත් ඔවුන්ට පවාරා නොමැති බවයි මාගේ හැඟීම.

මෙම ප්‍රාථමික ක්‍රියාකාරකම්වලට අමතරව, පරිගණක ස්ථාපනය කිරීම, නඩත්තු කිරීම, ගැටළු විසඳීම ආදී කාර්යයන් ඔවුන්ට භාර දිය යුතුය යන්න මාගේ මතයයි.